JUSTIFIKAZIOA
Ekoizpen-sistemak etengabe hobetzen eta teknologia etengabe berritzen ari den gizarte honetan, inoiz baino beharrezkoagoak dira PLCen programazioa eta erabilera behar bezala lantzeko gai diren teknikari kualifikatuak, ekoizpen-aldaketei edo sistemen errendimendua hobetzeko beharrei modu azkar, eraginkor eta ekonomikoan erantzuteko.
Ikastaro honen helburua da kable bidezko sistemak alde batera utzi eta PLCen erabileran oinarritutako sistema programatuetara igarotzea. Horretarako, beharrezkoa da PLCen programazio-teknikak ezagutzea, baita arlo horretako joera eta araudi berrien inguruan eguneratuta egotea ere.
Ikastaro honen bidez, PLCen programazioari aplikatutako azken estandarrak, hala nola IEC 61131 arauaren 3. zatia, erabat betetzen dituen azken belaunaldiko softwarea ezagutu eta erabiltzen ikasiko duzu.
HELBURUAK
- PLC programatzaileek gehien erabiltzen dituzten lengoaia grafikoak ezagutzea: LADDER eta SFC.
- Mundu osoko 250 PLC fabrikatzailek baino gehiagok erabiltzen duten doako ingurune batean programatzea.
- PLCak IEC 61131-3 arauaren arabera programatzea; arau hori mundu osoko hardware-fabrikatzaile gehienek onartzen dute.
- PLC baten programazioaren simulazioak duen garrantzia ulertzea.
- Maniobra elektrikoak Grafcet edo Ladder lengoaietara itzultzea (industria-inguruneetan gehien erabiltzen direnak).
- Automatizatu beharreko sistemaren azterketan oinarrituta, prozesu sinpleen fluxu-diagramak garatzea, ondorengo programazioa errazteko.