Hozte-instalazioetarako Segurtasun Erregelamendu berriaren aplikazio praktikoa, 552/2019 ED (208629)

JUSTIFIKAZIOA

Hozte-instalazioei buruzko Erregelamendu berri honek hotza modu seguruan emateko instalazioak arautzen ditu. Instalazio horien helburua ez da soilik industria-instalazioei hotz-zerbitzua ematea, industria-prozesuetako eskakizun termikoak eta higienikoak betetzeko; industria-erabilerakoak ez diren eraikinen klimatizazioa ere arautzen du, bero-ponpen bidez, eraikinetan ongizate termikoko baldintzak lortzeko.

Hozte-instalazioei buruzko Erregelamendu berri honen helburu nagusia da hozte-instalazioen segurtasun-araudia Europan aplikatzen den hozgarrien sailkapen berrira egokitzea (UNE-EN 378 araua). Horretarako, 2L hozgarri-talde berria sortzen da, aire girotuko aparatuetan berotze globaleko potentzial txikiko eta sukoitasun arineko hozgarriak (R-32 eta HFO) erabiltzea ahalbidetzeko. Era berean, Erregelamendua hobetu nahi da, teknikaren bilakaera eta hura aplikatzean metatutako esperientzia kontuan hartuta, argitaratu diren aplikazio-gidak txertatuz eta administrazio-prozedurak sinplifikatzen saiatuz.

Erregelamendu berri honen bidez, Espainiako Estatuak Europako Parlamentuaren eta Kontseiluaren 2014ko apirilaren 16ko 517/2014 (EB) Erregelamendua, berotegi-efektuko gas fluordunei buruzkoa, betetzen du. Erregelamendu horrek enpresek EBn merkaturatu ditzaketen hidrofluorokarburoen (HFC) kantitateak murriztea eskatzen du, inportazioaren nahiz ekoizpenaren bidez, berotegi-efektuko gas horiek atmosferara egiten dituzten isuriak murrizteko. Horretarako, besteak beste, A2L hozgarriak modu orokorrean erabiltzea ahalbidetzen da.

HELBURUAK

Hozte Instalazioetarako Segurtasun Erregelamenduaren edukiak aurkeztea eta azaltzea, ikasleei araudia aplikatzeko behar adinako ezagutza emateko, hainbat kasu praktiko eginez.

Gaitegia

EDUKIAK (laburpena)

552/2019 ERREGE DEKRETUA

• IF-01. Terminologia
• IF-02. Hozgarrien sailkapena
• IF-03. Hozte-sistemen sailkapena
• IF-04. Hozgarri desberdinen erabilera
• IF-05. Hozte-osagaietan erabilitako diseinua, eraikuntza, materialak eta isolamendua
• IF-06. Instalazioen osagaiak
• IF-07. Makina-gela bereziak, diseinua eta eraikuntza
• IF-08. Instalazioak gainpresioen aurka babestea
• IF-09. Zerbitzuan jarri aurreko saiakuntzak, probak eta berrikuspenak
• IF-10. Markaketa eta dokumentazioa
• IF-11. Hozte-ganberak, atmosfera artifizialeko ganberak eta prozesuetarako lokal hoztuak
• IF-12. Instalazio elektrikoak
• IF-13. Hozte-enpresa gisa gaitzeko eskatzen diren gutxieneko baliabide teknikoak
• IF-14. Hozte-instalazioen mantentze-lanak, berrikuspenak eta aldizkako ikuskapenak
• IF-15. Hozte-instalazioak zerbitzuan jartzea
• IF-16. Prebentzio- eta norbera babesteko neurriak
• IF-17. Hozgarrien manipulazioa eta hozte-instalazioetako ihesak murriztea
• IF-18. Hodien identifikazioa eta hozte-instalazioen eskemetan erabili beharreko sinboloak
• IF-19. Hozte-instalazioetako profesionala: pertsonak ziurtatzeko egiaztatutako erakundeek ziurtatu beharreko oinarrizko gaitasunak
• IF-20. L2 eta L3 taldeetako hozgarriak erabiltzen dituzten ekipo trinkoetako zirkuitu primarioak dituzten eraikinetako instalazio termikoak. Baldintza bereziak
• IF-21. Erreferentziazko UNE arauen zerrenda