JUSTIFIKAZIOA
Ikastaro honek mantentze-lanen kudeaketa optimizatzeko estrategia eta tresna nagusiak irakasten ditu (mantentze-lanen kudeaketa-adierazleak, kostuen azterketa, kostuen plangintza, hobekuntza-ekintzak, ezagutzaren transferentzia, ikasitako ikasgaiak, segurtasuna eta kalitatea). Estrategia eta tresna horiek alderdi teknikoak ez ezik, pertsonen, kostuen eta segurtasunaren kudeaketarekin lotutako alderdiak ere hobetzeko aukera ematen dute.
HELBURUAK
Profesionalak prestatzea, enpresako mantentze-lanen kudeaketaren ikuspegi orokorra eskura dezaten, eta mantentze-lanak aztertzeko eta planifikatzeko gaitasuna gara dezaten. Horren bidez, ekoizpen-baliabideen eta instalazio orokorren erabilgarritasuna eta prozesuen eraginkortasuna hobetu nahi dira, eta, ondorioz, gure enpresen errentagarritasuna handitu.